Inig mata sa aga
Akong uniporme plantsado na
Inig human og kaligo
Ang kaldero aduna nay luto
Sa dili pa ako molakaw
Imo akong tawgon ug moingon
“amping anak”
Kauban ang usa ka matam-is nga
pahiyom
Karon nga ako kolehiyo na
Ug kamo ni Papa naa sa probinsiya
Dili mawagtang sa akong
pahinomduman
Ang kaayo mong pag-atiman
Bisan kamo anaa sa layo nga dapit
Ako naningoha pag-ayo og hingpit
Aron ako mabalosan
Ang imohang gitudlo nga maayong
pamatasan
Busa dakong pasalamat nako sa
langitnong amahan
Nga ikaw ang akong nahimong inahan
No comments:
Post a Comment